★ڈیڑھ دو سو 200/150 سال میں جنوبی ایشیا کے اصیل و اولین سنی حنفی مسلمانوں کو ورغلا کر پہلے . . . . . بریلوی، وہاں سے دیوبندی اور پھر اہل حدیث بنایا جاتا رہا ہے، لیکن پچھلے 20/15 یا زیادہ سال میں جتنے بھی مسلمان اسلام چھوڑ کر ملحد / ناستک ہوئے، ان تین یا دو مرحلوں سے گزر کے ہی ہوئے ہیں۔ چونکہ ڈیڑھ دو سو سال پہلے تک مسلم معاشروں میں مسالک نو بنو کا قطعا وجود تھا نہ الحاد و ملحدوں کا نام و نشان۔
گزشتہ کچھ برسوں سے امریکہ اور یوروپ سے گاہے گاہے خبریں آتی رہتی ہیں کہ مسلم ملکوں سے گئے ہوئے مسلمانوں کے بچے ملحد ہو رہے ہیں۔ ایسی خبریں ہندوستان سے بھی آتی رہتی ہیں اور پاکستان کا حال تو بعض ویڈیو میں یہ سننے کو ملتا ہے کہ " آپ جانتے ہیں! کن کن بڑے بڑے مفتیوں اور علماء تک کے بچے ملحد ہیں !!! "
ان مراحل سے گزر کر اسلام چھوڑنے والے لوگوں کے بیانات یوٹیوب پہ Ex-Muslims کے ویڈیو میں دیکھے سنے جا سکتے ہیں۔ان میں سے کسی نے اپنا نام #Sahil، کسی نے #Sameer اور کسی نے #Sachwala وغیرہ وغیرہ رکھا ہوا ہے۔ یوٹیوب پہ ان کے ناموں سے پہلے Exmuslim لکھئے، چینل نمودار ہو جائیں گے۔ یقینا یہ خبر ہر مسلمان کے نزدیک تشویش ناک ہونی چاہئے۔کیرل میں تو سابق مسلمانوں نے با قاعدہ " Ex-Muslims of Kerala " نامی تنظیم رجسٹرڈ کروا لی ہے جو اسلام چھوڑ کر آنے والوں کی ہر طرح کی قانونی، حفاظتی اور مالی مدد کرتی ہے۔ اس بارے میں بھی یوٹیوب سے رجوع کیا جا سکتا ہے۔
مزید یہ کہ اصول علمائے کرام کے مطابق، اگر کسی عالم دین کے رسول ﷲ صلی ﷲ علیہ و آلہ وسلم تک پہنچنے والے اساتذہ کے سلسلے میں سے کوئی ایک استاذ کسی بھی وجہ سے غائب ہو جائے تو بقول علمائے دین، اس کا علم دین معتبر رہے گا نہ وہ بطور عالم دین۔
جن لوگوں نے بظاہر اپنی مرضی مگر حقیقتا کسی کے ورغلانے سے اپنے آبا و اجداد سے چلے آ رہے اصلی اولین عقائد و تعلیمات و شعائر چھوڑ کے نئے عقائد ..... اپنائے۔ خواہ ایک یا زیادہ بار ، بطور مثال تین پشتوں کو لیتے ہیں۔ دادا کسی کے ورغلانے سے آبا و اجداد کے کچھ اصلی اولین عقائد و تعلیمات و شعائر چھوڑ کر بریلوی بن گیا، پھر اس کے بیٹے نے بڑے ہو کر بریلویت چھوڑ دی اور کچھ اور اصلی اولین عقائد و تعلیمات و شعائر چھوڑ کر دیوبندی عقائد و تعلیمات و شعائر اپنا کے دیوبندی بن گیا، پھر اس کے بیٹے نے دیوبندی عقائد و تعلیمات و سعائر سے بھی کچھ چھوڑ دیئے اور اہل حدیثوں/غیر مقلدوں کے عقائد و تعلیمات و شعائر اپنا کر اہل حدیث بن گیا۔ ورغلانے والوں کو دادا کا مذہب بدلوانے میں زیادہ مشکلات کا سامنا نہیں کرنا پڑتا کہ بریلوی اصیل و اولین سنی حنفی مسلمانوں کے، بنسبت دیوبندیوں سے قریب تر نظر آتے ہیں۔ اسی طرح کسی بریلوی کو دیوبندی بنانے میں بہت زیادہ محنت نہیں کرنی پڑتی کہ وہ بھی خود کو سنی حنفی ظاہر کرتے ہیں، بعد از دیوبندی کو اہل حدیث . . . . بنانا آسان سے آسان تر ہو جاتا ہے کہ پہلے دادا نے کچھ اصلی اولین عقائد و تعلیمات و شعائر چھوڑ کر نئے اپنائے، پھر باپ نے بھی یہی کیا، پوتے کے لئے تو کچھ بھی چھوڑنا / اپنانا باپ دادا کے مقابلے مزید آسان ہو گیا کہ خاندانی عادت و روایت بھی بن گئی اور ورغلانے والوں کے لئے بھی زیادہ آسان۔ اس کے بعد کی نسلوں میں سے کسی کے لئے بھی آخری منزل الحاد یعنی ملحد ہو جانا ہی بچی ( قیامت تب تک نہ آئے گی جب تک زمین پہ ایک بھی رب کا نام لیوا رہے گا)، جو ہر دو اعتبار سے مزید آسان کہ . . . . لکڑ دادا، پڑ دادا، دادا اور باپ بھی تو اپنے اصلی اولین عقائد و تعلیمات و شعائر چھوڑتے رہے ہیں۔ اس پر آسانیوں کا مزید طرہ یہ کہ دین دھرم کے نام پہ کچھ بھی نہیں کرنا پڑتا، نہ پیسہ خرچ ہوتا ہے نہ وقت۔ کسی بھی قسم کا کوئی جھنجھٹ بھی نہیں۔ کماؤ، کھاؤ، پیو، پہنو اور۔۔۔۔۔ کسی سے ڈرتے رہنا نہ مسئلے مسائل، نہ عبادات و آخرت اور حرام و حلال کی فکر؛ اپنی زندگی اپنی مرضی اپنی بندگی . . . . .
خدا نے ہر بندے کو جو چاہے ماننے/کرنے جو چاہے نہ ماننے نہ کرنے کا حق یعنی اختیار دیا ہے۔ لیکن جب کسی شخص نے کسی کے سچا ہونے پہ ایمان لا کر بلاواسطہ یا بالواسطہ کوئی دین دھرم بالخصوص اسلام قبول کر لیا تو اس کی نسلیں بے شک خدا کے عطا کردہ اس اختیار کے حق کی وجہ سے مرضی کی مالک ہیں لیکن ان میں سے جتنے بھی اسلام کو ماننے کے دعویدار ہیں، آفاقی، اصولی و منطقی طور پہ ہر ایک کے ایمان و عقائد و تعلیمات و شعائر معتبر ہونے کے لئے رسول ﷲ صلی ﷲ علیہ و آلہ وسلم تک تواتر و تسلسل سے ایسے ہی پہنچنے لازم و ملزوم ہیں جیسے علم دین و عالم دین کے ثقہ ہونے کے لئے اساتذہ کے سلسلے کا، رسول ﷲ صلی ﷲ علیہ و آلہ وسلم تک تواتر و تسلسل سے پہنچنا۔
غور و تحقیق کیجئے اور خوووووب کیجئے ! اللہ تعالی مدد فرمائے۔ آمین اولین اشاعت-24-10-24
یہاں سے خراسان تک چشتی ہی چشتی، پورے خطے کی تہذیبوں و انسانیت پہ چشتیوں کے اثرات و احسانات۔۔۔۔۔
خواجہ مودود چستیؒ
https://fb.watch/w_7EK7hObQ/)
خواجہ غریب نوازؒ
https://www.facebook.com/share/v/1AUzLvpzzC/?mibextid=NnVzG8)
۔
۔
۔
کوئی تبصرے نہیں:
ایک تبصرہ شائع کریں