آیات،الحدید

الحدید،7 ایمان لاؤ اللہ اور اس کے رسول پر اورخرچ کرو اس چیز میں سے جس میں اس نے تم کو امین بنایا ہے، پس جو لوگ تم میں سے ایمان لائیں اور خرچ کریں ان کے لیے بڑا اجر ہے۔
الحدید،8_۸۔اورتم کو کیا ہوا کہ تم اللہ پر ایمان نہیں لاتے۔حالاں کہ رسول تم کو بلا رہا ہے کہ اپنے رب پر ایمان لاؤ اوروہ تم سے عہد لے چکا ہے، اگر تم مومن ہو۔

الحدید،9_۹۔وہی ہے جو اپنے بندے پر واضح آیتیں  اُتارتا  ہے تاکہ تم کو تاریکیوں سے روشنی کی طرف لے آئے ، اور اللہ تمھارے اوپر نرمی کرنے والا ہے، مہربان ہے۔

الحدید،10-۱۰۔اور تم کو کیا ہوا کہ تم اللہ کے راستہ میں خرچ نہیں کرتے، حالاں کہ سب آسمان اور زمین آخر میں اللہ ہی کارہ جائے گا۔تم میں سے جو لوگ فتح کے بعد خرچ کریں اور لڑیں وہ ان لوگوں کے برابر نہیں ہوسکتے جنھوں نے فتح سے پہلے خرچ کیا اور لڑے،اوراللہ نے سب سے بھلائی کاوعدہ کیا ہے،اللہ جانتا ہے جو کچھ تم کرتے ہو۔

Surat-9, Ayat-100
اور سب میں اگلے پہلے مہاجر اور انصار اور جو بھلائی کے ساتھ ان کے پیرو ہوئے اللہ ان سے راضی اور وہ اللہ سے راضی اور ان کے لیے تیار کر رکھے ہیں باغ جن کے نیچے نہریں بہیں ہمیشہ ہمیشہ ان میں رہیں ، یہی بڑی کامیابی ہے ،