آپ ص نے مولا علی کرم کو پہلے ہی جنگوں سے آگاہ کر دیا تھا

آپ ص نے پہلے ہی مولا علی کرم۔۔۔ کو جنگوں سے متعلق آگاہ کر دیا تھا.... (مستدرک الحاکم 4621)
حضرت ابو سعید رضی اللہ عنہ فرماتے ہیں....! ہم رسول اللہﷺ کے ہمراہ تھے اچانک آپﷺ کا جوتا مبارک ٹوٹ گیا. تو حضرت علی رضی اللہ عنہ اسکو پیوند لگانے لگے، اس لئے وہ زرا پیچھے رہ گئے.
آپﷺ تھوڑا چلے پھر فرمایا...! تم میں ایک ایسا موجود شخص ہے، جو قرآن کی تاویل کے لئے اس طرح لڑے گا، جیسے میں نے قرآن کے نزول پر قتال کیا.
یہ سن کر صحابہ کرام رضوان اللہ علیہم اجمعین اپنے اپنے سر اونچے کرنے لگے.
ان میں حضرت ابوبکر رضی اللہ عنہ بھی موجود تھے. انہوں نے پوچھا..: کیا وہ میں ہوں.؟
آپﷺ نے فرمایا : نہیں.
پھر حضرت عمر رضی اللہ عنہ نے پوچھا. : کیا وہ میں ہوں؟
آپﷺ نے فرمایا : نہیں.  پھر فرمایا کہ وہ ہے جو میرے جوتے گھانٹھ رہا ہے. (یعنی حضرت علی رضی اللہ عنہ)
صحابہ کرام رضوان اللہ علیہم اجمعین، حضرت علی رضی اللہ عنہ کو خوشخبری سنانے کے لئے گئے،
حضرت علی رضی اللہ عنہ مسکرائے اور کوئی جواب نہ دیا،
صحابہ کرام رضوان اللہ علیہم اجمعین فرماتے کہ ہم سمجھ گئے کہ حضرت علی رضی اللہ عنہ یہ بات پہلے ہی رسول اللہﷺ سے سن چکے ہیں.